Bituin

Tinatanaw ko ang bituin sa langit

pinapangarap na sana'y nakatingin din ito sa akin

kahit imposible

kahit hindi posible

Sinisinta ko siya mula sa malayo

kahit hindi nakikita

kahit 'di pinadarama

kahit 'di pinapaalam

Kailan niya kaya ito mapapansin?
Kailan nga ba bababa ang bulalakaw

mula sa langit

na akin lamang tinatanaw?

Kailan nga ba lilipad ang bato

dito sa lupa

at walang halong biro?

Kailan ko isisigaw?

Ang dapat sana'y sinasabi ng aking puso

Ang dapat sana'y uling, 'di abo

Ang dapat sana'y naglilibyab pa

sa kainitan

sa tamis

ng atin sanang pagsasamahan.

Kailan nga ba mahahawakan

ang tulad mong tala

na akin lamang tinitingala

Nananabik sa iyong pagdating

Sa iyong pag-landing

Sa iyong piling

Hahawakan kita

kahit mapaso ako

Sa init mong nakatutukso

Kahit masakit

kahit kayhirap nang ikubli

ay titiisin ko

Makita ka lamang sa malayo--

masaya, nakatawa.

O aking bit'win!

kailan ka magiging akin

gusto kitang yakapin

Kahit na 'di ka kapiling.

Labis na pait ang sinasapit sa iyo

Dahil nandyan ka sa langit mo

samantalang ako,

rito sa lupa,

Nag-aantay ng pansin mo.