Ok. At dahil puro kapitalismo ang paksa ng aralin namin sa panpil17, itong sa'yo!
Salapi
Matagal nang
Tinutukan ng mga mata’ng
mga gawain mo:
kontrolado mo ang buong globo
gayung kay saglit
mo lang na mapunit?
Bakit
Kay lakas ng kapit
sa mga nagigipit?
masama, bumabait,
pagkat ikaw ang nais;
mabuti, nagiging ganid,
pagkat sa iyo naiinggit;
puri ng birhen nasusungkit,
kung ikaw ang kapalit;
nagkakahitsura ang mga pangit,
dahil ikaw ang gamit;
grabe! Ang lupit
at ang bagsik
humahagupit!
Mga utak, iyong ginulo;
mga puso, iyong pinahinto;
ang may nalalamon
nilugmok sa gutom!
Ang salitang pag-ibig
inalis sa bibig
di pa nakuntento
inalis sa diksyunaryo!
Ito ba ang nais matamo
sa paghawak mo sa mundo?
Ang pobre, imbis magtrabaho
namerwisyo
Ministro, pangulo, kahit sino
basta’t nasa gobyerno
nanggogoyo, nanloloko
nakisawsaw pa
mga pari’t obispo
dahil ba sa makamundo
at maka-“langit” na prinsipyo?
Sadya nga bang ito
Ang buo mong
Napailing na lang ako
Nasayang ang boses ni Bonifacio
at nabalewala si Rizal at ang tatlong ulo
Naawa rin ako kay Ninoy,
kay Lim, Escoda at
Mabini at Aguinaldo
kasama sina Quezon, Osmeña’t Roxas
‘pagkat nakaladkad
ang iningatang pangalan
sa kahihiyan
ganito ka ba gumalang
sa kanilang kabayanihan?
O baka nama’y ‘di mo talaga ginalang
dahil wala naman kabayanihan.
Ano nga ba ang mayroon
sa tulad mong
kasya sa bulsa ng pantalon
at ang mundo’y
naghahangad sa’yo
nang todo-todo?
Di alintana
ang magpatayan
maski kadugo o kahit katoto!
Tao! Kailan ka babangon
sa bangungot na ito?
Hindi iyan
ang diyos mo.
0 comments:
Post a Comment
I would love to hear from you...